Taliad Tywydd Oer

A oes angen help arnoch gyda'ch costau gwresogi?

Beth yw Taliad Tywydd Oer?

Arian tuag at daliadau gwresogi ychwanegol yn ystod wythnos o dywydd oer iawn yn eich ardal.

Nid oes angen i chi wneud cais. Os gallwch gael taliad, byddwch yn ei gael yn awtomatig. Nid oes rhaid i chi dalu'r arian yn ôl.

A allaf gael Taliad Tywydd Oer?

Efallai y gallech gael Taliad Tywydd Oer os ydych yn cael un o'r budd-daliadau canlynol:

• Cymhorthdal Incwm
• Lwfans Ceisio Gwaith yn seiliedig ar incwm, neu
• Lwfans Cyflogaeth a Chymorth sy’n gysylltiedig ag incwm
• Credyd Pensiwn.

Os cewch Gymhorthdal Incwm, Lwfans Cyflogaeth a Chymorth sy’n gysylltiedig ag incwm yn y cam asesu, neu Lwfans Ceisio Gwaith sy’n seiliedig ar incwm, bydd yn rhaid i chi hefyd gael premiwm pensiynwr neu anabledd neu gyda phlentyn sy’n anabl neu sydd o dan 5 oed.

Beth yw'r cyfraddau budd-dal?

Eleni, cewch £25 pan fydd y tymheredd ar gyfartaledd lle rydych yn byw wedi’i gofnodi yn sero gradd Celsius neu’n is, dros saith diwrnod yn olynol yn ystod y cyfnod o 1 Tachwedd i 31 Mawrth neu os rhagwelir mai dyna fydd y tymheredd. Defnyddir gorsafoedd tywydd penodol Swyddfa Meteoroleg i gael y wybodaeth hon.

Sut y dylwn wneud cais?

Nid oes angen i chi wneud cais. Rydym yn talu unrhyw un a all gael Taliad Tywydd Oer yn awtomatig. Rhowch wybod i'ch canolfan bensiwn neu'r Ganolfan Byd Gwaith os credwch y dylech fod wedi cael Taliad Tanwydd Gaeaf er nad ydych wedi ei gael.

 Y Gronfa Gymdeithasol (792.88kb)

Cymorth gyda PDFs

Penderfyniadau ac Adolygiadau

Anghytuno gyda'n penderfyniad benthyciad neu grant?