Grant Gofal Cymunedol

Beth yw Grant Gofal Cymunedol?

Swm o arian di-dreth yw hwn nad oes rhaid i chi ei dalu'n ôl. Gall Grant Gofal Cymunedol helpu pobl i ymdopi ag anawsterau arbennig.

Ar gyfer beth mae hwn?

Gallai Grant Gofal Cymunedol eich helpu i:

• symud yn ôl i'r gymuned ar ôl bod mewn gofal
• aros yn eich cartref yn lle mynd i mewn i ofal
• sefydlu cartref yn y gymuned, ar ôl dilyn ffordd o fyw ansefydlog (fel rhan o raglen sydd wedi'i chynllunio i'ch adsefydlu)
• gofalu am garcharor neu droseddwr ifanc pan fydd yn gadael y carchar ar drwydded dros dro
• lleddfu pwysau eithriadol arnoch chi a'ch teulu, neu
• talu am gostau teithio penodol fel mynd i angladd aelod o'r teulu neu ymweld â rhywun sy'n sâl.

Bydd y ffurflen gais y byddwch yn ei llenwi yn eich helpu i gael yr holl wybodaeth gywir.

A allaf gael Grant Gofal Cymunedol?

Efallai y gallech gael Grant Gofal Cymunedol os ydych yn cael:

• Cymhorthdal Incwm
• Lwfans Ceisio Gwaith yn seiliedig ar incwm
• Lwfans Cyflogaeth a Chymorth sy’n gysylltiedig ag incwm
• Credyd Pensiwn
• taliad oherwydd un o'r budd-daliadau neu hawliadau hyn, neu
• os rydych yn mynd i adael gofal o fewn y chwe wythnos nesaf ac rydych yn debygol o gael un o'r budd-daliadau hyn pan fyddwch yn gadael.

Faint y gallaf ei gael?

Byddwn yn talu'r hyn y byddwn yn ei feddwl sy'n iawn ar gyfer y pethau rydych yn gwneud cais amdanynt ac efallai y byddwn yn edrych dros y costau gyda chi os byddant yn ymddangos yn ormod.

Ni allwn dalu grant sy'n llai na £30 oni bai ei fod am gostau teithio.

Beth sydd angen i mi ei wneud nesaf?

Gallwch lawrlwytho ffurflen Grant Gofal yn y Gymuned

Gallwch lawrlwytho ffurflen Grant Gofal yn y Gymuned mewn fformat PDF. Mae'r ffurflen yn cynnwys nodiadau a fydd yn eich helpu i'w llenwi. Nid yw'r ffurflenni hyn yn berthnasol yng Ngogledd Iwerddon.

 Grant Gofal yn y Gymuned, argraffwch i'w chwblhau â phen (117kb)

Gellir dod o hyd i ragor o wybodaeth yn y daflen 'Y Gronfa Gymdeithasol

 Y Gronfa Gymdeithasol (792.88kb)

Cymorth gyda PDFs

Pryd y gallaf wneud cais?

Dylech wneud cais cyn gynted ag y bydd angen rhywbeth arnoch. Os ydych mewn gofal ac y bydd angen rhywbeth arnoch pan fyddwch yn gadael, gallwch wneud cais hyd at chwe wythnos cyn y dyddiad y disgwylir y byddwch yn gadael.

Penderfyniadau ac Adolygiadau

Anghytuno gyda'n penderfyniad benthyciad neu grant?