Hysbysebu Swyddi Gwag

Yn y Ganolfan Byd Gwaith rydym yn cynnig Gwasanaethau Hysbysebu Swyddi Gwag proffesiynol, modern am ddim er mwyn sicrhau bod y bobl gywir yn gweld eich swyddi. Cynlluniwyd ein gwasanaethau i fusnesau fel eich busnes chi eich hun sy’n gofyn am hyblygrwydd a dibynadwyedd. P’un ag ydych am lenwi un swydd wag neu sawl un, gallwn eich helpu i gyrraedd y bobl dalentog sydd eu hangen arnoch drwy hysbysebu eich swyddi i dros 2 filiwn o bobl bob wythnos.

Mae gennym yr opsiynau cywir i’ch galluogi i hysbysebu eich swyddi gwag heddiw.

Ar-lein

• Gallwch greu, gweld neu ddiweddaru eich swyddi eich hun drwy Gyflogwyr Uniongyrchol ar-lein, sy’n rhoi rheolaeth lwyr i chi o’ch swyddi gwag unrhyw bryd sy’n gyfleus i chi.
• gallwch e-bostio eich swyddi gwag unrhyw bryd i employerdirect-vacancies@jobcentreplus.gsi.gov.uk

Dros y ffôn

• Gallwch gofrestru swydd wag gyda ni dros y ffôn ar 0845 601 4441. Mae gwasanaeth ffôn testun ar gael i bobl sydd â nam ar eu lleferydd neu ar eu clyw ar 0845 601 4442. 
• neu gallwch eu ffacsio atom ar 0845 601 2004.

Darllenwch y wybodaeth gyfredol am gostau galwadau

Unwaith y caiff eich swydd wag ei chofrestru gyda’r Ganolfan Byd Gwaith, gall ymgeiswyr ei gweld ar wefan y Ganolfan Byd Gwaith, prif wefan recriwtio y DU ac yn ein canghennau lleol. Ar hyn o bryd, mae dros 1,500,000 o chwiliadau swyddi yn cael eu cynnal bob diwrnod gwaith.  Bydd unrhyw un sy’n darllen y wybodaeth am y swydd wag yn gweld eich manylion ac yn gallu cysylltu â chi’n uniongyrchol yn y ffordd a ddewisiwch e.e. ffôn, llythyr neu CV.

Rydym yn rhan o Wasanaethau Cyflogi Ewrop (EURES) sy’n golygu y caiff eich swydd wag ei hysbysebu ledled Ewrop ar EURES, banc swyddi Ewrop ac mae hefyd yn bosibl hysbysebu swyddi gwag  dramor sy’n agored i ymgeiswyr o Brydain Fawr.

Os hoffech gael rhagor o gymorth i lenwi eich swydd wag ac rydych yn barod i ystyried ffyrdd o gynnig cyfle i grobnfa ehangach o dalent, gallwch drafod yr opsiynau sydd ar gael drwy ein Gwasanaethau Recriwtio Ymgynghorol gyda’ch ymgynghorydd lleol.

Gall cyflogwyr y dyfernir y Symbol Analedd iddynt fel cydnabyddiaeth am eu hymrwymiad i arfer da wrth gyflogi pobl anabl, arddangos y symbol ar eu hysbysebion swydd.

Mae ein gwasanaethau ar gael i bob cyflogwr sydd â swyddi gwag cyfreithiol weithio yn y DU, gan gynnwys Asiantaethau Recriwtio.