Grant Mamolaeth Cychwyn Cadarn

Angen prynu pethau i fabi newydd?

Beth yw Grant Mamolaeth Cychwyn Cadarn?

Mae hwn yn un taliad i helpu i dalu am bethau sydd eu hangen arnoch ar gyfer babi newydd os ydych ar incwm isel.

Mae'r grant yn un di-dreth ac nid oes rhaid i chi ei dalu'n ôl.

A allaf gael Grant Mamolaeth Cychwyn Cadarn?

Efallai y gallwch gael un o'r grantiau hyn os disgwylir i'ch babi neu fabi eich dibynnydd gael ei eni'n fuan, neu os cafodd ei eni yn ystod y tri mis diwethaf.
Gallwch hawlio hefyd:

• os ydych wedi mabwysiadu babi bach yn ddiweddar
• o dan amgylchiadau penodol, os ydych wedi cael gorchymyn preswylio ar gyfer babi, neu
• os ydych wedi cael gorchymyn rhieni ar gyfer baban a anwyd i rywun arall.

Mae'n rhaid i chi, neu eich partner, fod yn cael un o'r budd-daliadau hyn.

• Cymhorthdal Incwm
• Lwfans Ceisio Gwaith yn seiliedig ar incwm
• Lwfans Cyflogaeth a Chymorth sy’n gysylltiedig ag incwm
• Credyd Pensiwn
• Credyd Treth Gwaith sy'n cynnwys elfen anabledd neu anabledd difrifol
• Credyd Treth Plant, ar gyfradd sy'n uwch na'r elfen deuluol

Pryd y gallaf wneud cais?

• Os ydych chi neu'ch dibynnydd yn disgwyl babi neu wedi cael babi yn ddiweddar, mae'n rhaid i chi wneud cais yn ystod y cyfnod o 11 wythnos cyn y disgwylir i'r babi gael ei eni hyd nes bydd y babi yn 3 mis oes.
• Os ydych yn mabwysiadu babi neu os ydych wedi cael gorchymyn preswylio mewn perthynas â babi, gallwch wneud cais am grant ar yr amod nad yw'r babi dros 12 mis oed pan fyddwch yn gwneud cais. Mae'n rhaid i chi wneud cais o fewn tri mis o'r dyddiad y gwnaethoch fabwysiadu neu'r gorchymyn preswylio.
• Os ydych chi a'ch cymar wedi cael gorchymyn rhieni ar gyfer baban a anwyd i rywun arall mae'n rhaid i chi wneud cais o fewn tri mis i ddyddiad y gorchymyn rhieni.

Os ydych wedi gwneud cais am un o'r budd-daliadau y dylech fod yn eu cael i gael y grant hwn a'ch bod yn aros am benderfyniad, mae'n rhaid i chi wneud cais o fewn y terfynau amser uchod o hyd.

Beth yw’r cyfraddau budd-dal?

Grant Mamolaeth Cychwyn Cadarn: £500.00

Beth sydd angen i mi ei wneud nesaf?

Gallwch lawrlwytho ffurflen Grant Mamolaeth Cychwyn Cadarn

Gallwch lawrlwytho ffurflen Grant Mamolaeth Cychwyn Cadarn mewn fformat PDF. Mae’r ffurflen yn cynnwys nodiadau a fydd yn eich helpu i’w llenwi cyn dweud wrthych ble i anfon y ffurflen wedi’i chwblhau. Nid yw’r ffurflen hon yn gymwys i Ogledd Iwerddon.

 Grant Mamolaeth Cychwyn Cadarn, argraffwch i’w chwblhau â phen (226kb)

Gellir dod o hyd i ragor o wybodaeth yn y daflen 'Y Gronfa Gymdeithasol

 Y Gronfa Gymdeithasol (792.88kb)

Cymorth gyda PDFs

Penderfyniadau ac Adolygiadau

Anghytuno gyda'n penderfyniad benthyciad neu grant?