Beth yw'r Fargen Newydd 25 oed a throsodd?

Bydd y Fargen Newydd 25 oed a throsodd yn eich helpu i ddod o hyd i swydd a'i chadw neu weithio i chi eich hun. Bydd yn eich helpu i wella'r sgiliau sydd gennych ac i ddysgu sgiliau newydd. Tra byddwch ar y Fargen Newydd 25 oed a throsodd byddwch yn cael cymorth a chefnogaeth gan eich ymgynghorydd personol. Bydd yn eich helpu i edrych ar yr hyn y gallwch ei wneud, ac i adeiladu ar y sgiliau sydd gennych.

Os ydych yn hawlio Lwfans Ceisio Gwaith, a'ch bod yn 25 oed neu drosodd ac o dan oedran Pensiwn y Wladwriaeth, mae'n rhaid i chi gymryd rhan yn y Fargen Newydd 25 oed a throsodd er mwyn parhau i gael rhywfaint o'ch budd daliadau.

A yw'r Fargen Newydd 25 oed a throsodd yn addas i mi?

Os ydych yn 25 oed neu drosodd ond o dan oedran Pensiwn y Wladwriaeth, ac wedi bod yn hawlio Lwfans Ceisio Gwaith am 18 mis neu fwy (neu 18 mis allan o'r 21 mis diwethaf), mae'n rhaid i chi ymuno â'r Fargen Newydd 25 oed a throsodd.

Os ydych chi a'ch ymgynghorydd personol yn penderfynu ei bod am y gorau, gallech ymuno â'r Fargen Newydd 25 oed a throsodd yn gynharach.

Y Fargen Newydd 25 oed a throsodd (208.08kb)

I gael rhagor o wybodaeth am ein rhaglenni a'n gwasanaethau, cysylltwch â'r Ganolfan Byd Gwaith.