Beth yw'r Fargen Newydd ar gyfer cerddorion

Os ydych yn ystyried dilyn gyrfa mewn cerddoriaeth o ddifrif, gallech gael help gan y Fargen Newydd ar gyfer cerddorion. Mae’r Fargen Newydd ar gyfer cerddorion yn rhan o raglen orfodol y Fargen Newydd i bobl sy’n gwneud cais am Lwfans Ceisio Gwaith. Gall helpu cerddorion a chyfansoddwyr i gael gyrfa mewn pob math o gerddoriaeth, p’un a yw’n waith  hunangyflogedig neu o dan gontract.

Mae gan y Fargen Newydd ar gyfer cerddorion gefnogaeth lawn y diwydiant cerddoriaeth. Gall roi’r cyfle i chi siarad â phobl sy’n gweithio yn y diwydiant cerddoriaeth a fydd yn gallu rhoi:

• cyngor ynglŷn â’ch siawns o lwyddo yn y diwydiant cerddoriaeth, a
• cymorth i ddefnyddio deunydd dysgu agored y diwydiant cerddoriaeth.

I gymryd rhan yn y Fargen Newydd ar gyfer cerddorion mae’n rhaid i chi fod yn gymwys i gymryd rhan yn y Fargen Newydd ar gyfer pobl 25 oed a throsodd neu’r Fargen Newydd ar gyfer pobl ifanc, ar ddiwedd gyfnod ‘y porth’

Gall unrhyw un gael mynediad at ddeunydd dysgu agored arbenigol ar y wefan ganlynol: www.ndfmlearning.com

I gael rhagor o wybodaeth am y Fargen Newydd ar gyfer Cerddorion cysylltwch â’r Ganolfan Byd Gwaith.