Symud i mewn i waith

Os cewch swydd ac rydych yn ennill incwm isel, gallech gael Credyd Treth Gwaith. Gallech hefyd gael Credyd Treth Plant os oes gennych blant. I gael gwybod am gredydau treth, ewch i www.hmrc.gov.uk neu ffoniwch 0845 300 3900.

Gallech fod â hawl i gael cymorth ariannol arall pan fyddwch yn dechrau gwaith.

Grant Swyddi - cyfandaliad di-dreth o £250 ar gyfer rhieni unigol sydd â phlant, neu £100 ar gyfer cwsmeriaid sengl a chyplau nad oes ganddynt blant.

Credyd Mewn Gwaith - taliad di-dreth am hyd at 52 wythnos o £40 yr wythnos (£60 yr wythnos yn Llundain) ar gyfer rhieni unigol.

Dilyniant Llog Morgais, Taliad Estynedig Treth Cyngor a Thaliad Estynedig Budd-dal Tai - help ar gyfer pobl y gallant golli budd-daliadau pe baent yn dechrau gwaith.

Os ydych mewn gwaith, gallech barhau i fod yn gymwys i gael help gyda'ch rhent neu'ch Cyngor Treth drwy Fudd-dal Tai a Budd-dal Treth Cyngor. I gael rhagor o wybodaeth cysylltwch â'ch awdurdod lleol.

Beth fydd yn digwydd i'm budd-daliadau pan fyddaf yn dod o hyd i swydd?

Efallai y bydd yn rhai i chi roi'r gorau i ambell un o'ch budd-daliadau os cewch swydd, ond gallech hefyd gael mathau eraill o gymorth - fel Credyd Treth Gwaith.

Os na fydd eich swydd yn llwyddiannus a bod yn rhaid i chi hawlio budd-daliadau o fewn 12 wythnos, efallai y gallwch wneud cais i gael yr un budd-daliadau a gawsoch o'r blaen cyn i chi ddechrau gwaith. Gallwn eich helpu i sicrhau na fyddwch yn waeth eich byd yn ariannol a rhoi gwybod i chi sut y gall eich budd-daliadau gael eu heffeithio.

I gael rhagor o wybodaeth cysylltwch â'r Ganolfan Byd Gwaith.