Beth sy'n rhaid i chi ei ddweud wrthym

Rhaid i chi ddweud wrthym ar unwaith os bydd eich amgylchiadau yn newid, h.y. Os byddwch chi (neu eich partner):

• Yn gwneud unrhyw waith â thâl, gwaith di-dâl neu waith gwirfoddol
• Yn cael swydd neu'n dod yn hunangyflogedig
• Yn dechrau byw gyda rhywun, yn priodi, yn ffurfio partneriaeth sifil, yn diddymu partneriaeth sifil neu'n gwahanu
• Yn cael lle ar raglen hyfforddi neu'n dechrau addysg llawn amser neu ran amser
• Yn cael pensiwn personol neu bensiwn gan gyflogwr blaenorol
• Yn newid eich cyfeiriad neu'n mynd i ffwrdd oddi cartref, hyd yn oed os yw hynny am ddiwrnod yn unig
• Yn rhan o anghydfod masnachol
• Yn newid eich cyfrif ar gyfer eich taliadau Lwfans Ceisio Gwaith
• Yn sâl neu'n gorfod gofalu am rywun neu'n methu â derbyn swydd am resymau eraill
• Os oes gennych blentyn sy'n gadael ysgol
• Os daw rhywun i fyw i'ch ty neu bydd rhywun a oedd yn byw yn eich ty yn gadael
• Yn newid swm cynilion

Os yw'r person rydych yn hawlio Lwfans Ceisio Gwaith ar ei ran yn cael swydd neu'n mynd i mewn i ysbyty neu gartref nyrsio, rhaid i chi gysylltu â ni ar unwaith.

Os gordelir Lwfans Ceisio Gwaith ar gais ar y cyd o ganlyniad i fethiant ar eich rhan chi, neu eich partner, i ddweud wrthym am unrhyw newid yn eich amgylchiadau, byddwn yn adennill y swm hwnnw a ordalwyd oddi wrth y naill neu'r llall ohonoch.

Os ydych yn ansicr p'un a allai eich newid mewn amgylchiadau effeithio ar eich taliad Lwfans Ceisio Gwaith, cysylltwch â'r Ganolfan Byd Gwaith.