Edrych ymlaen a chynllunio ar gyfer y dyfodol

Efallai nad yw cynllunio ar gyfer eich ymddeoliad yn flaenoriaeth i chi ar hyn o bryd. Ond wrth i chi heneiddio bydd gennych nifer o opsiynau a fydd yn effeithio ar eich arian. Felly gall cynllunio nawr wneud gwahaniaeth sylweddol yn y dyfodol a'ch helpu i gael yr incwm sydd ei angen arnoch pan fyddwch yn ymddeol.

Pensiwn y Wladwriaeth

Mae dwy ran i Bensiwn y Wladwriaeth - Pensiwn sylfaenol y Wladwriaeth a Phensiwn ychwanegol y Wladwriaeth (a elwir hefyd yn Ail Bensiwn y Wladwriaeth).

Mae cael gwybodaeth am faint o Bensiwn y Wladwriaeth y gallwch ei gael yn ffordd dda o ddechrau cynllunio ar gyfer y dyfodol. I gael rhagor o wybodaeth ewch i www.pensiynau.gov.uk/welsh/home.asp

Diogelwch Cyfrifoldebau Cartref

Os ydych yn ofalwr neu'n rhiant, gall y Cynllun Diogelwch Cyfrifoldebau Cartref eich helpu i ddiogelu eich Pensiwn y Wladwriaeth Sylfaenol.

Ychwanegu at eich Pensiwn y Wladwriaeth

Os byddwch yn gweithio, gofynnwch i'ch cyflogwr a oes ganddynt gynllun pensiwn a ph'un a allwch ymuno ag ef. Gall fod yn ffordd dda o ddarparu incwm ychwanegol ar gyfer eich ymddeoliad. Os nad yw eich cyflogwr yn gweithredu cynllun pensiwn, neu os nad ydych am ymuno ag ef, gallech ystyried cael pensiwn cyfanddeiliaid neu bensiwn personol. Gallwch gyfrannu at bensiwn cyfanddeiliaid neu gynllun pensiwn personol hyd yn oed os nad ydych yn gweithio ar hyn o bryd. I gael gwybodaeth fanwl am bensiynau ewch i www.pensiynau.gov.uk/welsh/home.asp ffoniwch Y Gwasanaeth Pensiwn ar 0945 60 60 275 (ffôn testun 0845 60 60 295)