Yn sâl neu’n anabl?

Mae hwn yn ganllaw gyffredinol i fudd-daliadau y gallech eu cael gan y Ganolfan Byd Gwaith a swyddfeydd eraill os ydych o oedran gweithio. I gael rhagor o wybodaeth cysylltwch â'r Ganolfan Byd Gwaith.

Cymorth a Chyflogaeth

Cyflwynwyd y Lwfans Cyflogaeth  Chymorth (ESA) ar 27 Hydref 2008, a disodlodd Budd-dal Analluogrwydd a Chymhorthdal Incwm, a dalwyd oherwydd salwch neu anabledd, ar gyfer cwsmeriaid newydd yn unig. Cynlluniwyd y lwfans i’ch helpu i gyflawni eich potensial a’ch helpu i ennill annibyniaeth o’r byd budd-daliadau.

Canfyddwch fwy am Lwfans Cyflogaeth a Chymorth

Budd-dal Analluogrwydd

Os nad oeddech yn gweithio pan ddaethoch yn sâl, neu os oeddech yn hunangyflogedig, neu os ydych wedi bod yn sâl am fwy na 28 weeks ceisiwch fwy o wybdoaeth am Fudd-dal Analluogrwydd.

Lwfans Byw i'r Anabl

Os ydych o dan 65 oed ac angen help i ofalu am eich hun neu symud o gwmpas gallwch gael gwybod mwy am Lwfans Byw i'r Anabl.

Budd-dal Anabledd Anafiadau Diwydiannol

Arian ychwanegol yw Budd-dal Anabledd Anafiadau Diwydiannol os ydych yn sâl neu'n anabl oherwydd damwain neu afiechyd a achoswyd gan waith. Gallwch gael rhagor o wybodaeth am Fudd-dal Anabledd Anafiadau Diwydiannol.

Tâl Salwch Statudol

Os na allwch weithio oherwydd eich bod yn sâl, efallai bod trefniadau tâl salwch gan y sawl rydych yn gweithio iddynt sy'n gymwys i chi. Mae pa dâl salwch a gewch yn dibynnu ar y sawl rydych yn gweithio iddynt.

Ond gall pawb sy'n bodloni amodau penodol gael math sylfaenol o dâl salwch - fe'i gelwir yn Dâl Salwch Statudol.

Efallai y bydd y sawl rydych yn gweithio iddynt yn talu Tâl Salwch Statudol os na allwch weithio am 4 diwrnod neu fwy yn olynol. Byddwch yn cael Tâl Salwch Statudol am y diwrnodau y byddech fel arfer yn eu gweithio - mae'n rhaid iddo fod yn un diwrnod mewn wythnos o leiaf.

I gael rhagor o wybodaeth cysylltwch â Cyllid & Thollau EM neu ddarllenwch fwy ar wefan Directgov.