Taliad Angladd

Angen talu am angladd?

Beth yw Taliad Angladd?

Os ydych chi neu'ch partner ar incwm isel ac yn gorfod trefnu angladd, efallai y gallwch gael rhywfaint o help gyda'r costau.

Mae hwn yn un taliad di-dreth i'ch helpu i dalu am gostau angenrheidiol angladd.

Pwy all gael help gyda chostau angladd?

Mae'n rhaid i chi neu'ch partner fod yn cael un o'r budd-daliadau canlynol.

• Cymhorthdal Incwm
• Lwfans Ceisio Gwaith yn seiliedig ar incwm
• Lwfans Cyflogaeth a  Chymorth sy’n gysylltiedig ag incwm
• Credyd Pensiwn
• Credyd Treth Gwaith sy'n cynnwys elfen anabledd neu anabledd difrifol
• Credyd Treth Plant ar gyfradd sy'n uwch na'r elfen deuluol
• Budd-dal Tai
• Budd-dal Treth Cyngor

Mae'n rhaid iddo hefyd fod yn rhesymol i chi neu'ch partner dalu am yr angladd.

Efallai y bydd angen i ni ystyried amgylchiadau perthnasau eraill y person a fu farw.

Fel arfer bydd angen i'r person fod wedi byw yn y DU pan fu farw. Fel arfer bydd angen cynnal yr angladd yn y DU.

Faint o help y gallaf ei gael?

Gall y Gronfa Gymdeithasol eich helpu i dalu am angladd syml, parchus a chost isel.

Mae hyn yn cynnwys:

• y costau angenrheidiol ar gyfer ffioedd claddu neu amlosgi
• plot claddu newydd (os dewisir claddu)
• costau eraill penodol, a
• hyd at £700 ar gyfer unrhyw gostau angladd eraill, fel ffioedd y trefnydd angladdau, yr arch neu flodau.

Efallai y byddwn yn tynnu rhywfaint o arian:

• os bydd gan y person a fu farw unrhyw asedau sydd ar gael i chi neu i aelod o'ch teulu
• ar gyfer unrhyw gyfandaliad o gynllun angladd rhagdaledig neu daliad polisi yswiriant, ac
• ar gyfer costau y talwyd amdanynt gan elusen, gan berthynas neu grant arall

Beth yw’r cyfraddau budd-dal?

Mae’r Taliad Angladd y Gronfa Gymdeithasol yn cwmpasu’r gost angenrheidiol o eitemau arbennig neu wasanaethau gyda hyd at £700 ar gyfer costau angladd eraill.

Beth sydd angen i mi ei wneud nesaf?

Gallwch lawrlwytho ffurflen gais Taliad Angladd

Gallwch lawrlwytho ffurflen gais Taliad Angladd mewn fformat PDF. Mae’r ffurflenni hyn yn cynnwys nodiadau a fydd yn eich helpu i lenwi’r ffurflen ac yn dweud wrthych ble i anfon y ffurflen wedi’i chwblhau. Nid yw’r ffurflen hon yn berthnasol yng Ngogledd Iwerddon.

 Taliad Angladd, argraffu ffurflen er mwyn ei lenwi mewn inc (122k)

Gellir dod o hyd i ragor o wybodaeth yn y daflen 'Y Gronfa Gymdeithasol'

 Y Gronfa Gymdeithasol (792.88kb)

Cymorth gyda PDFs

Pryd y gallaf wneud cais?

Mae'n rhaid i chi wneud cais o fewn 3 mis i ddyddiad yr angladd.

Os ydych yn aros am benderfyniad ar fudd-dal sydd ei angen arnoch er mwyn i chi gael Taliad Angladd, mae'n rhaid i chi wneud cais o fewn y terfyn amser tri mis.

Penderfyniadau ac Adolygiadau

Anghytuno gyda'n penderfyniad benthyciad neu grant?