Lwfans Gofalwr

Beth yw Lwfans Gofalwr?

Budd-dal yw Lwfans Gofalwr i ofalwyr pobl sy'n ddifrifol anabl. Efallai bydd rhaid i chi dalu treth arno.

Ydw i'n gymwys?

Mae'n rhaid bod y person rydych yn gofalu amdano yn cael un o'r budd-daliadau canlynol:

• Lwfans Gweini
• Lwfans Byw i'r Anabl - cyfradd ganol neu uchaf yr elfen ofal
• Lwfans Gweini Cyson (ar uchafswm y gyfradd arferol fel rhan o Fudd-dal Anabledd Anafiadau Diwydiannol, neu y gyfradd sylfaenol (diwrnod llawn) fel rhan o Bensiwn Anabledd Rhyfel.)

Os telir un o'r budd-daliadau uchod i'r person rydych yn gofalu amdano, efallai y byddwch yn gymwys i gael Lwfans Gofalwr os:

• ydych yn 16 oed neu'n hyn
• ydych yn gofalu am y person hwnnw am o leiaf 35 awr yr wythnos
• nad ydych yn dilyn cwrs llawn amser mewn addysg bellach (mae llawn amser yn golygu 21 awr neu fwy o astudiaeth dan oruchwyliaeth bob wythnos)
• ydych yn bresennol ym Mhrydain Fawr (ac wedi bod am o leiaf 26 wythnos o'r 52 wythnos diwethaf) ac nad ydych o dan reolaeth mewnfudo, ac
• nad ydych yn ennill mwy na swm penodol

Beth yw'r cyfraddau budd-dal?

• Lwfans Gofalwr: £53.10

Beth sydd angen i mi ei wneud nesaf?

Cewch ragor o wybodaeth yn y daflen  Lwfans Gofalwr (360KB)

Cymorth gyda PDFs

Gallwch hefyd ymweld â www.direct.gov.uk/carers i gael mwy o wybodaeth neu i wneud cais ar-lein.

Beth arall sydd angen i chi ei wybod

Os ydych yn cael Lwfans Gofalwr ac yn symud i wlad arall o fewn yr Ardal Economaidd Ewropeaidd neu’r Swistir, efallai y byddwch yn parahu i’w gael o dan rai amgylchiadau.

Mynd â budd-daliadau anabledd i Ewrop

Os ydych eisoes yn byw mewn gwlad arall o fewn yr Ardal Economaidd Ewropeaidd neu’r Swistir, efallai y byddwch yn gallu gwneud cais am Lwfans Gofalwr o dan rai amgylchiadau.

Gwneud cais am fudd-daliadau anabledd os ydych yn byw mewn gwlad arall yn Ewrop