Cymhorthdal Incwm

Beth yw Cymhorthdal Incwm?

Arian ychwanegol yw hwn i bobl sydd ar incwm isel.

Mae ar gyfer pobl nad oes rhaid iddynt gofrestru yn ddi-waith.

Gallai hyn fod os ydych:

• yn sâl neu'n anabl
• yn rhiant unigol yn gyfrifol am blentyn sy'n llai na 12 oed
• yn ofalwr, neu
• wedi'ch cofrestru'n ddall.

Mae ar gyfer pobl:

• sydd rhwng 16 a 59 oed
• sydd ar incwm isel
• sy'n gweithio llai na 16 awr yr wythnos
• nad ydynt yn astudio'n llawn amser
• nad ydynt yn cael Lwfans Ceisio Gwaith
• nad oes ganddynt gynilion dros £16,000, ac
• sy'n byw ym Mhrydain Fawr.

 Cymhorthdal Incwm - Help os ydych ar incwm isel (268.65kb)

Beth yw'r cyfraddau budd-dal?

Mae Cymhorthdal Incwm yn daliad budd-dal sy'n cynnwys tair rhan wahanol: lwfansau personol, premiymau a thaliadau i gwmpasu costau cartref penodol.

Lwfansau personol

Pobl sengl

• 16-17 oed: £50.95
• neu mewn amgylchiadau penodol: £50.95
• 18-24 oed: £50.95
• 25 oed neu'n hyn: £64.30

Cwpl

• â'r ddau yn 18 oed neu'n hyn: £100.95

Os yw un partner neu'r ddau o dan 18 oed, caiff eu lwfans personol ei gyfrifo yn seiliedig ar eu hamgylchiadau penodol.

Rhieni unigol

• 16-17 oed: £50.95
• neu yn dibynnu ar eu hamgylchiadau: £50.95
• 18 oed neu'n hyn: £64.30

Plant dibynnol

• o'u genedigaeth hyd at y diwrnod cyn eu pen-blwydd yn 20 oed: £56.11

Mae'r rhan fwyaf o deuluoedd sy’n cael Cymhorthdal Incwm yn derbyn cymorth ar gyfer eu plant drwy Credyd Treth Plant. Caiff penderfyniad ei wneud am drosglwyddo gweddill yr achosion mewn amser. I gael gwybod mwy am Gredyd Treth Plant.

Beth sydd angen i mi ei wneud nesaf?

Mae angen gwneud cais am fudd-dal arnaf - Ffoniwch 0800 012 1888 (8am i 6pm o ddydd Llun i ddydd Gwener).

Cysylltwch â'r Ganolfan Byd Gwaith i weld os ydych yn gymwys i gael y budd-dal hwn neu darllenwch y daflen

Gallwch lawrlwytho ffurflenni Cymhorthdal Incwm

I wneud yn siwr na fyddwch yn colli allan ar unrhyw fudd-dal sy'n ddyledus i chi, dylech gysylltu â ni i weld os oes angen i chi lenwi'r ffurflen hon. Os byddwch yn lawrlwytho ffurflen dylech gysylltu â ni i gadarnhau dyddiad eich cais. Gallwch weld sut i gysylltu â ni yma.

Gallwch lawrlwytho ffurflenni cais Cymhorthdal Incwm a ffurflenni cysylltiedig mewn fformat PDF. Nid yw'r ffurflenni hyn yn berthnasol yng Ngogledd Iwerddon.

Dewiswch ffurflen o'r opsiynau isod.

 Os hoffech lenwi'r ffurflen gais Cymhorthdal Incwm ar y sgrîn (720k)

 Os hoffech lenwi'r ffurflen gais Budd-dal Tai/Budd-dal Treth Cyngor ar y sgrîn (1.18mb)

 Os ydych yn hunangyflogedig a hoffech lenwi'r ffurflen hunangyflogaeth ar y sgrîn (353kb)

Rydym wedi cyflwyno nodwedd arbennig sy'n eich galluogi i gadw'r ffurflen hon wrth i chi ei lenwi. Bydd y nodwedd hon ond yn gweithio mewn 'Adobe Acrobat reader' fersiwn 5.1 neu'n uwch. Golyga hyn nid oes rhaid i chi gwblhau'r ffurflen mewn un sesiwn.

Cymorth gyda PDFs

Rydym yn argymell eich bod yn cadw'r ffeil hon ar ddisg caled eich cyfrifiadur, disg hyblyg neu CD cyn dechrau ei chwblhau.

• I gadw gopi o'r ffeil ar ddisg, cliciwch ochr dde eich llygoden ar y cyswllt isod a dewis opsiwn 'Save Target As'.
• Ni allwch cadw'r ffurflen unwaith i chi ei hagor mewn porydd rhyngrwyd.
• Unwaith y byddwch wedi cwblhau'r ffurflen ar y sgrîn bydd rhaid i chi ei hargraffu a'i lofnodi.

Os ydych eisiau argraffu ffurflen er mwyn ei lenwi mewn inc.

 Os ydych eisiau argraffu'r ffurflen Cymhorthdal Incwm er mwyn ei lenwi mewn inc (337k)

 Os ydych eisiau argraffu'r ffurflen Budd-dal Tai/Budd-dal Treth Cyngor er mwyn ei lenwi mewn inc(312kb)

 Os ydych yn hunangyflogedig ac eisiau argraffu ffurflen hunangyflogaeth er mwyn ei lenwi mewn inc(106kb)

Gwneud Gais Ar-lein

Gallwch wneud cais am Gymhorthdal Incwm, Lwfans Cyflogaeth a Chymorth neu Fudd-dal Analluogrwydd ar-lein 

Cymorth a Chyflogaeth

Cyflwynwyd y Lwfans Cyflogaeth  Chymorth (ESA) ar 27 Hydref 2008, a disodlodd Budd-dal Analluogrwydd a Chymhorthdal Incwm, a dalwyd oherwydd salwch neu anabledd, ar gyfer cwsmeriaid newydd yn unig. Cynlluniwyd y lwfans i’ch helpu i gyflawni eich potensial a’ch helpu i ennill annibyniaeth o’r byd budd-daliadau.

Canfyddwch fwy am Lwfans Cyflogaeth a Chymorth

Y wybodaeth ddiweddaraf am gymorth ar gyfer llog morgais Os ydych yn hawlio

Cymhorthdal Incwm, Lwfans Ceisio Gwaith yn seiliedig ar incwm neu Lwfans

Cymorth a Chyflogaeth yn seiliedig ar incwm a’ch bod yn berchen ar eich cartref eich hun, efallai y bydd eich budd-dal yn cynnwys cymorth ychwanegol ar gyfer llog morgais (SMI)

Y wybodaeth ddiweddaraf am gymorth ar gyfer llog morgais