Byw o ddydd i ddydd

Yn dibynnu ar eich amgylchiadau, mae cymorth ariannol ac ymarferol ar gael a all eich helpu i fyw o ddydd i ddydd. Er enghraifft, os ydych ar incwm isel, efallai y byddwch yn gymwys i gael Cymhorthdal Incwm neu Lwfans Ceisio Gwaith yn seiliedig ar incwm.

O dan y cynllun Cychwyn Iach efallai y gallwch fod â hawl i gael llaeth, ffrwythau a llysiau neu fformiwla babanod os ydych yn feichiog neu bod gennych o leiaf 1 plentyn o dan 4 mlwydd oed. Ffoniwch 0870 1555 455 am ffurflen gais.

Efallai y byddwch yn gymwys i gael Credyd Treth Plant, sy'n daliad i gefnogi teuluoedd â phlant. Telir i'r rhiant neu ofalwr sy'n bennaf gyfrifol am ofalu am y plentyn neu blant. Os ydych yn gweithio, efallai y gallai Credyd Treth Gwaith eich helpu i gadw mwy o'r arian rydych yn ei ennill.

Help gyda chostau ychwanegol

Os ydych yn byw ar incwm isel a'ch bod yn bodloni'r amodau y mae'n rhaid eu bodloni, efallai y gallwch gael help o'r Gronfa Gymdeithasol gyda chostau pwysig y mae'n anodd i chi eu talu o'ch incwm rheolaidd.

Gellir talu Grantiau Gofal Cymunedol a Benthyciadau Trefnu i helpu i gwmpasu cost treuliau unigryw megis eitemau'r cartref, dillad ac esgidiau a rhai costau teithio.

Weithiau gellir talu Benthyciadau Argyfwng i'ch helpu gyda'r gost o dalu rent ymlaen llaw (ond dim os mai awdurdod lleol yw eich landlord) neu:

• os ydych yn profi argyfwng neu drychineb
• mae angen help arnoch ar unwaith gyda chostau byw o ddydd i ddydd neu eitemau hanfodol, ac
• mae perygl difrifol o niwed neu perygl difrifol i'ch iechyd chi neu'ch teulu, ac
• ni allwch gael help o unrhyw le arall.

Nid oes rhaid eich bod yn cael unrhyw fudd-dal i gael Benthyciad Argyfwng.

Efallai y bydd gennych hawl i gael Taliad Tywydd Oer i helpu gyda chostau gwresogi ychwanegol yn ystod tywydd oer iawn.

Gall y Gronfa Gymdeithasol helpu gyda chostau eraill hefyd megis prynu pethau sydd eu hangen ar fabi newydd ar unwaith (Grantiau Mamolaeth Cychwyn Cadarn), a helpu i dalu costau angladd (Taliadau Angladd)

Edrych ymlaen a chynllunio ar gyfer y dyfodol

Mae gofalu am blant yn ymrwymiad hirdymor. I rai ohonoch, efallai bod oedran Pensiwn y Wladwriaeth yn ymddangos yn bell i ffwrdd, ond wrth i chi nesáu ato bydd gennych nifer o opsiynau a fydd yn effeithio'n uniongyrchol ar eich arian. Po gynharaf y byddwch yn dechrau cynllunio, y mwyaf tebygol y bydd gennych sicrwydd ariannol yn ddiweddarach yn eich bywyd. Mwy o wybodaeth am edrych ymlaen a chynllunio ar gyfer y dyfodol.