Esboniad o’r Targedau

System Bwyntiau y Targed Dechrau Swydd

Am bob person y bydd y Ganolfan Byd Gwaith yn ei helpu i mewn i waith, rhoddir pwyntiau yn unol â statws gwaith neu fudd-dal y cwsmer. Po uchaf yw blaenoriaeth y grwp cleient, y mwyaf o bwyntiau a roddir am y swydd honno. Gyda'i gilydd ceir pum categori pwyntiau gwahanol gan gwmpasu amrywiaeth o gleientiaid y Ganolfan Byd Gwaith, sef:

Grwp Blaenoriaeth Cleient 1 - Sgôr pwyntiau dechrau swydd12

• Rhieni Unigol di-waith gan gynnwys pobl ar y Fargen Newydd ar gyfer Rhieni Unigol
• Y rhai ar y Fargen Newydd ar gyfer Pobl Anabl
• Pobl sy'n cael budd-dal sylfaenol penodol (Cymhorthdal Incwm, Budd-dal Analluogrwydd, Lwfans Anabledd Difrifol, Lwfans Gofal i'r Anabl a Budd-dal Profedigaeth)

Grwp Blaenoriaeth Cleient 2 - Sgôr pwyntiau dechrau swydd 8

• Pobl ar y Fargen Newydd 50 oed a throsodd
• Pobl ar y Fargen Newydd 25 oed a throsodd
• Y rhai ar y Fargen Newydd ar gyfer Pobl Ifanc
• Ardaloedd Cyflogaeth
• Pobl eraill ag Anableddau nad ydynt wedi'u cynnwys o fewn Grwp Blaenoriaeth Cleient 1
• Y rhai sy'n gwneud cais am Lwfans Ceisio Gwaith yn y tymor hir (dros 6 mis)

Grwp Blaenoriaeth Cleient 3 - Sgôr pwyntiau dechrau swydd 4

• Y rhai sy'n gwneud cais am Lwfans Ceisio Gwaith yn y tymor byr (o dan 6 mis)

Grwp Blaenoriaeth Cleient 4 - Sgôr pwyntiau dechrau swydd 2

• Y rhai nad ydynt yn gwneud cais sy'n ddi-waith

Grwp Blaenoriaeth Cleient 5 - Sgôr pwyntiau dechrau swydd 1

• Pobl mewn gwaith

Un o flaenoriaethau'r Ganolfan Byd Gwaith yw helpu pobl yn y grwpiau a'r ardaloedd mwyaf difreintiedig i gystadlu am swyddi a’u cadw. Felly, dyrennir pwyntiau ychwanegol:

• Ar gyfer pob cleient Lwfans Ceisio Gwaith sy'n parhau heb gael budd-dal am 4 wythnos ar ôl dechrau swyddi, rhoddir sgôr – 1 Pwynt Dechrau Swydd Ychwanegol
• Ar gyfer pob swydd a ddechreuwyd yn y 60 o ddosbarthau Awdurdod Lleol penodedig sy'n cynnwys y 30 o Ddosbarthau Awdurdod Lleol gyda’r safle marchnad lafur isaf a'r 30 o Ddosbarthau Awdurdod Lleol gyda'r boblogaeth lleiafrifoedd ethnig uchaf – 2 Bwynt Dechrau Swydd Ychwanegol

Targed Gwerth Ariannol Twyll a Chamgymeriad

Nod y targed hwn yw lleihau'r arian o gollir mewn taliadau Cymhorthdal Incwm a Lwfans Ceisio Gwaith a achosir gan:

• camgymeriadau a wneir gan gwsmeriaid
• camgymeriadau a wneir gan staff
• twyll cwsmeriaid

Cyhoeddir y cynnydd tuag at y targed hwn ym mis Mawrth a mis Medi bob blwyddyn.

Y Targed Gwasanaethau Cwsmeriaid

Mae'r targed Gwasanaethau Cwsmeriaid yn mesur ein perfformiad i gwrdd â safonau ac ymrwymiadau Siarter Cwsmeriaid y Ganolfan Byd Gwaith a Siarter y Cyflogwyr – mae felly’n ein helpu i fesur ein gwasanaeth i gleientiaid a chyflogwyr.

Mae dwy elfen i'r Targed Gwasanaethau Cwsmeriaid; Cleientiaid a Chyflogwyr. Mae elfen Cleientiaid y targed yn cyfrif am 75% ac mae elfen y Cyflogwyr yn cyfrif am 25% o'r targed cyffredinol. Caiff y rhain eu mesur o dan bedwar pennawd:

• Cyflymder – Pa mor gyflym y byddwn yn ateb y ffôn, yn cyfarch y cwsmer, yn delio â chwsmeriaid dros y ffôn, a wyneb yn wyneb.
• Cywirdeb – Cywirdeb y wybodaeth a roddwn dros y ffôn a wyneb yn wyneb.
• Bod yn rhagweithiol – Pa mor dda rydym yn deall ceisiadau cwsmeriaid, yn rhagweld eu hanghenion a pha mor llwyddiannus rydym yn teilwra ein gwasanaethau i gwrdd â'u hanghenion unigol.
• Yr amgylchedd – Ansawdd ein hadeiladau, cyfleusterau, a'u hygyrchedd a chyflwr ffisegol.

25% yw cyfran y targed gwasanaethau cwsmeriaid a ddyrennir i bob un o’r pedwar gwasanaeth. Mae cyflymder, cywirdeb a rhagweithioldeb cyflogwyr hefyd yn gyfartal ar 33.3% am na fesurir elfen yr amgylchedd ar gyfer cyflogwyr, am mai nifer cymharol fechan o gyflogwyr sy’n ymweld â’n swyddfeydd.

Targed Canlyniad y Cyflogwr

Ni all y Ganolfan Byd Gwaith gyflawni ei hamcanion heb bartneriaeth agos â chyflogwyr ac felly bydd angen i ni gynnig y gwasanaeth gorau posibl iddynt. Cynlluniwyd targed Canlyniad y Cyflogwr i'n helpu i wneud hynny.

Bydd Targed Canlyniad y Cyflogwr yn mesur pa mor gyflym ac effeithiol y caiff anghenion recriwtio cyflogwyr eu cwrdd. Caiff ei fesur drwy ddefnyddio dwy elfen:

• Datrys – a gafodd y swydd wag ei llenwi, sy'n cyfrif am 25% o'r targed cyffredinol.
• Ymatebolrwydd – a gafodd y swydd wag ei llenwi o fewn terfyn amser a oedd yn cwrdd â'u hanghenion, sy'n cyfrif am 75% o'r targed cyffredinol.

Y Targed Cyflenwi Busnes

Diben y targed hwn yw gwneud yn siwr ein bod yn cyflenwi ein prosesau busnes allweddol yn effeithlon, yn gywir ac i'r safonau y cytunwyd arnynt. Mae'r targed yn mesur ein perfformiad mewn pump o brosesau pwysicaf y Ganolfan Byd Gwaith:

• Prosesu ceisiadau am Gymhorthdal Incwm yn gywir
• Prosesu ceisiadau am Lwfans Ceisio Gwaith yn gywir
• Gwneud apwyntments, cynnal cyfweliadau â chleientiaid, a mynd ar drywydd unrhyw achosion lle y methodd cleientiaid â mynychu cyfweliadau.
• Prosesu penderfyniadau Profion Meddygol Budd-dal Analluogrwydd yn gywir ac yn brydlon
• Adnabod pobl mewn grwpiau cleientiaid penodol sydd ag anghenion sgiliau llythrennedd, iaith a rhifedd.

Mesurir y perfformiad drwy gymryd cyfartaledd y canlyniadau ar gyfer pob un o'r pum categori, gyda phob un ohonynt yn cyfrannu 20% at y sgôr cyffredinol.