Ymgynghorydd y Fargen Newydd 50 oed a throsodd - Peter Graham

Peter Graham

Wyddech chi fod 40 y cant o'r swyddi a grëwyd dros y 12 mis diwethaf wedi'u llenwi gan bobl dros oedran pensiwn? (Swyddfa Ystadegau Gwladol)

Fy swydd bresennol i fel Ymgynghorydd y Fargen Newydd 50 oed a throsodd, rwy'n helpu llawer o bobl hyn bob wythnos i oresgyn unrhyw rwystrau i waith, trafod eu sefyllfa a'u nodau a chytuno ar yr hyn sy'n gweithio orau iddynt hwy.

Ymhlith rhai o'r pryderon a godir gan bobl dros 50 oed mae cyfrifoldebau gofalu, diffyg cymwysterau a/neu wybodaeth ffurfiol am dechnoleg newydd, problemau iechyd, pryderon ynghylch gwahaniaethu ar sail oedran neu ddiffyg hyder.

Mae llawer o bobl rwy'n eu gweld yn teimlo bod y materion hyn yn eu rhwystro ond mewn gwirionedd gellir gwneud llawer o bethau i helpu i fynd i'r afael â hwy. Mae mwy a mwy o gyfleoedd ar gyfer pobl dros 50 oed yn y gweithle yn ddiweddar, ac mae cyflogwyr yn awyddus iawn i ychwanegu cymysgedd cyfoethog o sgiliau a phrofiad i'w busnesau. Mae llawer mwy o gymorth ar gael hefyd ac mae mentrau fel y Fargen Newydd wir yn gwneud gwahaniaeth i'r bobl rwy'n eu gweld. Drwy roi cyngor adeiladol, cymorth ariannol a dangos yr amrywiaeth eang o gyfleoedd sydd ar gael i bobl, gallaf roi hyder i'r bobl a welaf i fynd ati i chwilio am swydd sy'n iawn iddynt hwy.