Partneriaethau Cyflogaeth Lleol: gwireddu potensial heb ei wireddu

Mae Partneriaethau Cyflogaeth Lleol yn gydweithrediad newydd cyffrous rhwng y Llywodraeth a busnesau i fynd i’r afael â’r heriau cynyddol o ran recriwtio a sgiliau ein marchnad lafur a'r economi. Mae cyflogwyr ledled y wlad wedi cofrestru i weithio mewn partneriaeth â’r Llywodraeth i roi cyfleoedd i bobl nad ydynt, am ba bynnag rheswm, wedi manteisio ar y cyfleoedd cyflogaeth sydd ar gael.

Erbyn 2010, bydd Partneriaethau Cyflogaeth Lleol ( 498KB) yn helpu mwy na 250,000 i mewn i swyddi, gan wireddu’r potensial heb ei wireddu i’r rhai y mae eu gallu a’u dawn wedi’u diystyru yn y gorffennol.

Pam y dylwn ystyried cofrestru â'r Bartneriaeth Cyflogaeth Lleol?

Rydym yn gofyn i chi, fel cyflogwr, ddod i gytundeb â'r Llywodraeth, ac i gynnig cyfleoedd i bobl dychwelyd i’r gweithle a symud ymlaen - drwy ein cyfweliadau enghreifftiol, mentora, hyfforddiant yn y swydd neu dreialon gwaith. Yn gyfnewid, byddwn yn sicrhau y cewch gyfle i recriwtio pobl nad ydych o bosibl wedi eu hystyried sy'n awyddus i weithio ac sy’n meddu ar y sgiliau craidd sydd eu hangen arnoch, a byddwn yn sicrhau y bydd cymorth cysylltiedig i’ch helpu i roi’r sgiliau sy’n gysylltiedig â gwaith sydd eu hangen arnynt. Mae hon yn ffordd o ddatrys problemau recriwtio na allwch ei hanwybyddu:

• Cewch fanteisio ar ymgeiswyr sy'n barod i weithio, gyda chyn lleied o drafferth, risg a chost â phosibl - gwasanaeth o safon sy'n fanteisiol i'ch busnes.
• Bydd bod yn gyflogwr Partneriaethau Cyflogaeth Lleol yn dangos i'ch cymuned leol bod gennych ffydd yn y gweithlu lleol, a'ch bod am roi cyfleoedd swyddi i bobl leol.

Beth sy'n digwydd pan fyddaf yn cofrestru gyda Phartneriaeth Cyflogaeth Lleol?

Bydd ein rheolwyr cyfrifon profiadol yn gweithio gyda chi i sicrhau ein bod yn deall eich gofynion busnes a recriwtio yn llwyr, ac i lunio cytundeb partneriaeth wedi'i deilwra sy'n sicrhau'r canlyniadau gorau i bawb sy'n ymwneud â'r bartneriaeth. Unwaith y bydd eich cytundeb ar waith, byddwn yn gwneud cymaint ag y gallwn i ddod o hyd i'r ymgeiswyr cywir gyda'r agwedd gywir, pan fydd eu hangen arnoch.

Sut y gall fy musnes ddod yn rhan o'r Partneriaethau Cyflogaeth Lleol?

Er mwyn darganfod sut y gallai Partneriaethau Cyflogaeth Lleol weithio i'ch busnes chi a gwneud gwahaniaeth i'ch cymuned chi, cysylltwch â'r Ganolfan Byd Gwaith ar lep.enq@jobcentreplus.gsi.gov.uk neu ffoniwch ni ar 0845 600 8192.

Hysbysebu Swydd Wag?

Hysbysebu swydd wag ar-lein - Cyflogwyr Uniongyrchol Ar-lein
Hysbysebu swydd wag dros y ffôn - Cyflogwyr Uniongyrchol