Partneriaethau Cyflogaeth Lleol

Mae’r Ganolfan Byd Gwaith wedi lansio menter newydd o’r enw ‘Partneriaethau Cyflogaeth Lleol’. Mae’r partneriaethau hyn yn seiliedig ar gytundebau rhwng y Ganolfan Byd Gwaith a rhai o’r prif gyflogwyr yn eich ardal. Datblygwyd y partneriaethau hyn i helpu cwsmeriaid y Ganolfan Byd Gwaith i symud i mewn i waith â thâl.

Er mwyn ein helpu i asesu a gwella effeithiolrwydd y partneriaethau hyn, mae’n bwysig ein bod yn gwybod a yw ein cwsmeriaid yn manteisio ar y fenter hon a ble maent yn dod o hyd i waith.

Er mwyn ein helpu i wneud hyn bydd y Ganolfan Byd Gwaith yn cysylltu â’r cyflogwyr hynny sy’n cymryd rhan yn y fenter hon i gadarnhau ble a phryd y gwnaeth ein cwsmeriaid ddechrau gwaith. Mae’r Datganiad Diogelu Data ar swyddi gwag Partneriaethau Cyflogaeth Lleol yn galluogi’r Ganolfan Byd Gwaith i wneud hwn ac yn sicrhau bod y Ganolfan Byd Gwaith a Chyflogwyr yn cydymffurfio â’r Ddeddf Diogelu Data. 

Ni chaiff gwybodaeth ei throsglwyddo i unrhyw sefydliad arall neu adran o’r llywodraeth ac mae gennych yr hawl i beidio â rhoi eich caniatâd ar unrhyw adeg drwy ysgrifennu at eich swyddfa Canolfan Byd Gwaith leol.  Ni fydd hyn yn effeithio ar eich hawl i ymgeisio am swyddi gwag Partneriaethau Cyflogaeth Lleol.